• Հայ
  • Eng
  • РУС
  • Az
Դավիթի, Գարիկի, Արամի ընկերությունը՝ Մարինե Կարապետյանի բացահայտմամբ Դավիթի, Գարիկի, Արամի ընկերությունը՝... 00:28
Երկրաշարժ Իրանի Խոյ քաղաքից 34 կմ հարավ-արևելք. այն զգացվել է Երևանում և մարզերում Երկրաշարժ Իրանի Խոյ քաղաքից... 22:35
Բաց հարթակ․ Սահմանամերձ համայնքներում պետք է որակյալ կրթություն ապահովել. Մկրտչյան Բաց հարթակ․ Սահմանամերձ համայնքներում... 20:45
  • Հաղորդումներ
  • Հարձակում Արցախի վրա
  • Կորոնավիրուս
  • Քաղաքականություն
  • Տնտեսություն
  • Հասարակություն
    • Ազգային անվտանգություն
  • Իրավունք
  • Հետաքննություն
  • Բանակ
    • Իրավիճակը սահմանին
  • Արցախ
  • Արտակարգ դրություն
  • Մարզեր
  • Աշխարհ
  • Սփյուռք
  • Մշակույթ
  • Սպորտ
  • Տարածաշրջան
Հուսով ենք՝ ՌԴ և մեր գործընկերների հետ սերտ համագործակցությամբ կկարողանանք կառավարել ու մեր տարածաշրջանային իրավիճակը պահել վերահսկողության ներքո. ՀՀ վարչապետ
Քաղաքականություն
16:2807 Սեպ, 2022

Հուսով ենք՝ ՌԴ և մեր գործընկերների հետ սերտ համագործակցությամբ կկարողանանք կառավարել ու մեր տարածաշրջանային իրավիճակը պահել վերահսկողության ներքո. ՀՀ վարչապետ

Վարչապետ Նիկոլ Փաշինյանը Վլադիվոստոկում մասնակցել է «Բազմաբևեռ աշխարհի ճանապարհին» թեմայով Արևելյան տնտեսական 7-րդ համաժողովի լիագումար նստաշրջանին:

Միջոցառմանը մասնակցել են նաև Ռուսաստանի Դաշնության նախագահ Վլադիմիր Պուտինը, Մյանմայի, Մոնղոլիայի վարչապետները, Չինաստանի Ժողովրդական ներկայացուցիչների համաչինական ժողովի մշտական կոմիտեի նախագահը:

Հեռավար կերպով ֆորումին ելույթով են հանդես եկել Հնդկաստանի վարչապետ Նարենդրա Մոդին, Մալայզիայի և Վիետնամի կառավարությունների ղեկավարները:

Իր ելույթում Նիկոլ Փաշինյանը, մասնավորապես, նշել է.

«Հարգելի՛ Վլադիմիր Վլադիմիրի,

Հարգելի՛ բարեկամներ,

Թույլ տվեք առաջին հերթին շնորհակալություն հայտնել Վլադիմիր Վլադիմիրիին Հարավարևելյան տնտեսական 7-րդ ֆորումին հրավիրելու համար, որը մտքեր և գաղափարներ փոխանակելու հարթակ է հարցերի լայն շրջանակի շուրջ:

Պետք է նշել, որ ընթացիկ տարում ամենատարածված նախադասությունը, հավանաբար, այն է, որ «մենք ապրում ենք ոչ սովորական ժամանակներ»: Բայց եթե նայենք խորը` հարց է առաջանում, իսկ ե՞րբ են այդ ժամանակները եղել սովորական: Եթե արդար լինենք, ապա մարդկության պատմությունն ընդհանրապես շղթա է և ոչ սովորական ժամանակների հերթականություն: Դրա համար մարդկությունը ստեղծել է այլ բանաձև, որ յուրաքանչյուր ճգնաժամային իրավիճակներ բերում են նոր մարտահրավերներ և բացում նոր հնարավորություններ: Այժմ կառավարությունների և պետությունների գլխավոր խնդիրն է հասկանալ` ինչպես կառավարել մարտահրավերները և ինչպես նկատել ու օգտագործել հնարավորությունները:

Այս համատեքստում, իհարկե, ոչ սովորական ժամանակներ են մեր տարածաշրջանի համար նույնպես, որովհետև այստեղ կան մարտահրավերներ, որոնք գոյություն ունեն արդեն երկար ժամանակ, և դրանք առաջին հերթին կապված են անվտանգության հետ: Սա ինչպե՞ս է կապված ընթացիկ իրավիճակի հետ. երբ ողջ միջազգային հանրության ուշադրությունը և հատկապես անվտանգության ոլորտում Հայաստանի ռազմավարական դաշնակից Ռուսաստանի Դաշնությունը կենտրոնացած է Ուկրաինայի շուրջ իրավիճակի վրա` կան կոնկրետ մտահոգություններ, որ դա կարող է մեր տարածաշրջանում բերել իրավիճակի ապակայունացման:

Եվ, ի դեպ, մեզ մոտ ոչ այդքան կայուն իրավիճակ է եղել վերջին տարիներին: Տեղյակ եք, որ 2020 թվականին մենք պատերազմ վերապրեցինք, և երբ Ադրբեջանը սկսեց այդ պատերազմը, միջազգային հանրության ողջ ուշադրությունը, այդ թվում` Ռուսաստանի Դաշնության, կենտրոնացած էր կորոնավիրուսի պանդեմիայի վրա: Մենք հույս ունենք, որ Ռուսաստանի Դաշնության և մեր գործընկերների հետ սերտ համագործակցությամբ կկարողանանք կառավարել ու մեր տարածաշրջանային իրավիճակը պահել վերահսկողության ներքո:

Սա շատ կարևոր է նաև գլոբալ անվտանգության համար: Ցանկանում եմ նշել, որ մենք ունենք նաև լավ նորություններ, քանի որ այժմ Հայաստանի տնտեսության մեջ առկա է շատ լավ դինամիկա: Այս տարի մենք նպատակադրվել ենք նվազագույնը ունենալ 7 տոկոս տնտեսական աճ: Եվ այդ համատեքստում, ցանկանում եմ ընդգծել, որ Եվրասիական տնտեսական միությունը մեր երկրի համար արդարացրել է իրեն այս կոնկրետ իրավիճակում ևս, քանի որ այն տնտեսական աճը, որն այժմ նկատվում է Հայաստանում, կապված է այն ազատությունների հետ, որոնք ապահովում է Եվրասիական տնտեսական միությունը: Նկատի ունեմ ապրանքների, ծառայությունների, կապիտալի և աշխատուժի ազատ տեղաշարժը, ու մենք սա ուղիղ տեսնում ենք: Իհարկե, այստեղ պետք է աշխատել հաջորդ փուլի վրա, որպեսզի պահպանենք այդ դինամիկան, որ նման տնտեսական աճից հետո տնտեսական նոր ճգնաժամ չառաջանա:

Քանի որ այստեղ արդեն քննարկվեց տարածաշրջաններին վերաբերող հարցը` պետք է պարզաբանել, թե ինչ կապ ունի Հայաստանը Հարավարևելյան ֆորումի և Հեռավոր Արևելքի հետ: Հայտնի է, որ ընթացիկ իրավիճակում լոգիստիկ սխեմաները փոխվում են, և եթե նայենք քարտեզին` կարող ենք տեսնել և նկատել, որ հնարավորություններ են բացվում նաև Հայաստանի համար: Ի հեճուկս ամենի՝ ապրանքների տեղափոխումը արևելքից արևմուտք և արևմուտքից արևելք չի դադարի, և հյուսիսից հարավ ու հարավից հյուսիս նույնպես: Եթե նայենք քարտեզին, ակնհայտ է, որ Հայաստանը գտնվում է այդ ճանապարհների և ուղիների խաչմերուկում: Մենք կարծում ենք, որ իրապես կան հնարավորություններ, որոնք պետք է փորձել օգտագործել: Այժմ Հայաստանում իրականացնում ենք Հյուսիս-հարավ նախագիծը` դա նոր ավտոմոբիլային ճանապարհի կառուցումն է, որը Իրանի հետ մեր հարավային սահմանը կապում է Վրաստանի հետ հյուսիսային սահմանին:

Այստեղ նաև ի հայտ է գալիս նոր հնարավորություն: Գիտեք, որ 2020 թվականի նոյեմբերի 9-ին, շնորհիվ Վլադիմիր Վլադիմիրի Պուտինի անձնական ջանքերի, Հայաստանի, Ռուսաստանի և Ադրբեջանի միջև ստորագրվել է Լեռնային Ղարաբաղի հակամարտության գոտում բոլոր ռազմական գործողությունների դադարեցման մասին հայտարարություն: Եվ այդ հայտարարության 9-րդ կետում խոսվում է տարածաշրջանային բոլոր տնտեսական և տրանսպորտային ենթակառուցվածքների ապաշրջափակման մասին: Դրանից հետո` 2021 թվականի հունվարի 11-ին, այս անգամ Մոսկվայում, Ռուսաստանի և Ադրբեջանի նախագահների հետ ստորագրել ենք եռակողմ հայտարարություն` ստեղծելու աշխատանքային խումբ Ռուսաստանի Դաշնության, Հայաստանի և Ադրբեջանի փոխվարչապետների գլխավորությամբ, որը զբաղվում է մեր տարածաշրջանում Հայաստանի և Ադրբեջանի միջև ենթակառուցվածքների բացման ուղղությամբ: Այս նախագծի գաղափարն այն է, որ Հայաստանը տրանսպորտային ուղիներ կստանա Ադրբեջանի տարածքով, Ադրբեջանը տրանսպորտային ուղիներ կստանա Հայաստանի տարածքով: Գլոբալ առումով, դա նոր միջազգային առևտրային ուղիների բացման հնարավորություն է:

Պետք է ասեմ, որ մենք շահագրգիռ ենք դրանում և հույս ունենք` Ռուսաստանի աջակցությամբ մոտ ապագայում լուծել այդ հարցը: Այստեղ, իհարկե, ամեն ինչ որոշված չէ: Կա ոչ վատ առաջընթաց եռակողմ հանձնաժողովի աշխատանքում, բայց ամեն ինչ որոշված չէ, քանի որ պետք է լուծել իրավական բնույթի հարցեր, թե ինչպիսի իրավական կարգավորումներով պետք է գործեն այդ ճանապարհները: Ընդհանուր դիրքորոշումը հստակ է, որ բացվող ճանապարհները պետք է գործեն այն երկրների լիակատար սուվերենությամբ, որոնցով դրանք անցնում են: Եվ մենք հույս ունենք, որ այդ սկզբունքով կկարողանանք իրականացնել այդ նախագիծը, որը մենք անվանում ենք «Հայկական խաչմերուկ»: Հույս ունենք, որ Հայաստանի տարածքով կանցնեն հարավը հյուսիսին, արևմուտքը արևելքին կապող ճանապարհները: Կարծում եմ` այդ նախագիծը շատ կարևոր է ոչ միայն տարածաշրջանի երկրների` Հայաստանի, Իրանի, Ադրբեջանի, Վրաստանի, Թուրքիայի համար, այլ նաև Ռուսաստանի Դաշնության, հեռավոր աևելյան երկրների, ընդհանրապես արևելյան երկրների, աֆրիկյան տարածաշրջանի համար, Մերձավոր Արևելքի համար նույնպես: Սա իրապես գլոբալ նախագիծ է, որը հույս ունենք իրականացնել:

Գիտեք, որ սկսել ենք խոսակցություն Թուրքիայի հետ: Հույս ունենք` Ռուսաստանի աջակցությամբ կարգավորել հարաբերությունները Թուրքիայի հետ: Ինտենսիվ խոսակցություն է գնում Ադրբեջանի հետ` Լեռնային Ղարաբաղի հիմնախնդրի կարգավորման ուղղությամբ: Այս համատեքստում նույնպես ակնկալում ենք Ռուսաստանի Դաշնության աջակցությունը ոչ միայն որպես Հայաստանի Հանրապետության ռազմավարական դաշնակից: ՌԴ-ն նաև շատ մոտ գործընկեր է Ադրբեջանի համար նույնպես, կարծում եմ՝ դա հնարավորություն է բացում: Ցանկանում եմ ընդգծել նաև ՌԴ դերը որպես ԵԱՀԿ Մինսկի խմբի համանախագահ պետություն, որը զբաղվում է Լեռնային Ղարաբաղի հիմնախնդրի կարգավորմամբ:

Մեր տարածաշրջանում անվտանգային գլխավոր մտահոգություններն ինչո՞ւմ են կայանում: Սա մտահոգում է մեզ: Կան ուժեր, որոնք կարծում են` Ռուսաստանը, որը մեր տարածաշրջանում հանդիսանում է անվտանգության առանցքային գործոն, - համենայն դեպս նման ընկալում առկա է Հայաստանի Հանրապետությունում, դա հաստատվում է այն հարաբերություններով և պայմանագրերով, որոնք գործում են Ռուսաստանի Դաշնության և Հայաստանի միջև, - ՌԴ-ն շատ է զբաղված ուկրաինական թեմայով, և դա կարելի է օգտագործել որպես հարմար առիթ` իրավիճակի ապակայունացման համար: Կարող է զվարճալի թվալ, սակայն կա իրավիճակ, երբ կան ուժեր, որոնք մեծ էներգիա են ծախսում, որպեսզի Հայաստանը Մոսկվայում ներկայացնեն որպես պրոարևմտյան կառավարությամբ պետություն, իսկ Եվրոպայում և Արևմուտքում Հայաստանը ներկայացնել որպես խիստ պրոռուսական, և դա օգտագործել որպես գործոն` տարածաշրջանում իրավիճակի ապակայունացման համար:

Շատ ուրախ եմ, որ մենք այս հարցերի շուրջ գտնվում ենք սերտ երկխոսության մեջ մեր գործընկերների հետ` փորձելով պարզաբանել մեր դիրքորոշումները միջազգային օրակարգի բոլոր հարցերի վերաբերյալ: Իհարկե, մեր հարաբերությունները Ռուսաստանի հետ ինչպես եղել, այնպես էլ մնում են ու պետք է լինեն դաշնակցային, ռազմավարական: Հույս ունենք, որ այդ գործոնը կլինի առանցքային մեր տարածաշրջանում կայունության և խաղաղության համար:

Ցանկանում եմ իմ ելույթն ավարտել մի փոքր ոչ սովորական մտքով: Չեմ կարող ասել, որ համոզված եմ դրանում, բայց ունեմ տպավորություն, որ պետությունները, աշխարհի բոլոր կառավարություններն՝ առանց բացառության, ցանկանում են խաղաղություն և կայունություն: Խնդիրը նրանում է, որ յուրաքանչյուրն ունի իր պատկերացումը խաղաղության և կայունության մասին: Փաստացի, բոլոր պատերազմները, հակամարտությունները տեղի են ունենում ինչի՞ համար, ինչպիսի՞ նպատակ ունեն այդ հակամարտություններն ու պատերազմները: Վերջնական նպատակը խաղաղությունն է, քանի որ բոլորը պայքարում են խաղաղության համար, բոլորը ցանկանում են խաղաղություն, կայունություն, և գլխավոր խնդիրը դրանում է: Յուրաքանչյուրն ունի խաղաղության և կայունության իր պատկերացումը, և մեր նպատակն ու խնդիրն է, ցավոք, երբեմն անլուծելի խնդիր, ինչ-որ կերպ մոտեցնել մեր պատկերացումները: Գլխավոր խաղացողների համար, իհարկե, առավել դժվար է մոտեցնել պատկերացումները խաղաղության և կայունության բանաձևերի շուրջ, որոնց վրա պետք է հիմնվի խաղաղությունն ու կայունությունը:

Վերջին տարիների շատ տարածված է այս ձևակերպումը` բազմաբևեռություն: Կարծես սրանում ևս կա շատ մոտ կոնսենսուս, բայց խնդիրը նրանում է, որ բազմաբևեռությունը ևս յուրաքանչյուրը հասկանում է յուրովի և այստեղ ևս պետք է փորձել մոտեցնել դիրքորոշումներն ու պոտենցիալ բազմաբևեռության պատկերացումները: Շնորհակալություն ուշադրության համար»:

Այնուհետև վարչապետ Փաշինյանը պատասխանել է ֆորումը վարող լրագրող Իլյա Դորոնովի հարցերին:

Հարց – Պարոն վարչապետ, Հայաստանն այն երկիրն է, որը գիտի ինչ է էներգետիկ ճգնաժամը, առևտրային ճգնաժամը: 1990-ական թվականներին այդ ամենը վերապրել եք որպես երկիր: Բայց այժմ ձեզ մոտ տեղի է ունենում Ռուսաստանի հետ ինտենսիվ հարաբերությունների ուժեղացում: Վերջին մի քանի շաբաթներին Դուք Վլադիմիր Վլադիմիրի Պուտինի հետ շփվել եք մի քանի անգամ, եկել եք Վլադիվոստոկ` ֆորումին մասնակցելու, իսկ չե՞ք վախենում, որ կընկնեք պատժամիջոցների տակ:

Վարչապետ Նիկոլ Փաշինյան - Կարծում եմ` վախենալը ոչ այնքան օգտակար դիրքորոշում է, պետք է աշխատել, ինչպես ասացի, կառավարել այն մարտահրավերները, որոնք ի հայտ են գալիս և փորձել ոչ միայն նկատել այն հնարավորությունները, որոնք բացվում են, այլ նաև աշխատել, որպեսզի նոր հնարավորություններ բացվեն: Իհարկե, մենք ևս մտահոգված ենք առևտրային, էներգետիկ անվտանգությամբ: Պետք է ասել, որ մեզ մոտ ևս մեծ գնաճ է և այն ուղիղ ազդում է մեր երկրի սոցիալական վիճակի վրա, բայց, ընդհանուր առմամբ, իրավիճակը կառավարելի է: Խնդիր կա, բայց մենք չունենք ճգնաժամային իրավիճակ:

Ցանկանում եմ ընդգծել, որ դա նաև Ռուսաստանի Դաշնության աջակցության շնորհիվ է: Հատկապես տարվա առաջին կիսամյակում բոլորն ունեին մեծ մտահոգություններ, և մենք ոչ միայն ԵԱՏՄ շրջանակում, այլ նաև երկկողմ ֆորմատով շատ ինտենսիվ շփվել ենք, բարձրացրել հարցեր: Պետք է ասեմ, որ տպավորված եմ այն օպերատիվությամբ, թե ինչպես են և՛ Վլադիմիր Վլադիմիրին, և՛ Միխայիլ Վլադիմիրին արձագանքում այն հարցերին և խնդրանքներին, որոնք բարձրացվել են հայկական կողմից: Սա շատ կարևոր գործընկերություն է:

Ես վստահ չեմ, որ Հայաստանի բոլոր բնակիչները գիտեն այս նյուանսները, չնայած նրան, որ այդ մասին մշտապես խոսում ենք, բայց դա իսկապես շատ կարևոր է: Մենք հենց նոր խոսում էինք տարբեր ուղղություններով ցորենի տեղափոխման մասին, բայց պետք է ընդգծեմ, որ շնորհիվ այն որոշումների, որոնք ընդունվել են Ռուսաստանի նախագահի, կառավարության կողմից` մեզ հաջողվել է այդ մարտահրավերները կառավարել միասին: Մեզ համար միայնակ շատ դժվար կլիներ զբաղվել դրանով»:

Այնուհետև ի պատասխան լրագրողի հարցի` Նիկոլ Փաշինյանն անդրադարձել է դեպի Հայաստան ՌԴ քաղաքացիների հոսքին: «Բազմաթիվ մարդիկ պարզապես եկել են Հայաստան, քանի որ մարդկանց անհրաժեշտ է ստանալ աշխատավարձեր, որովհետև նրանք փաստացի գտնվելով Ռուսաստանում, աշխատում են Արևմուտքի հետ: Ֆինանսական փոխանցումների հետ կապված խնդիրների պատճառով նրանք այժմ տեղափոխվել են Հայաստան:

Իմ ելույթում ես փորձեցի ներկայացնել մեր տեսակետը: Հույս ունեմ, որ դա Ռուսաստանում ընկալվում է որպես ԵԱՏՄ-ում տեղաշարժ, քանզի ԵԱՏՄ-ն հենց դրա համար էլ ստեղծվել է, որպեսզի տեղի ունենա ապրանքների, ծառայությունների, աշխատուժի, կապիտալի ազատ տեղաշարժ, ինչը և այժմ մենք տեսնում ենք իրականում:

Վլադիմիր Վլադիմիրին այդ մասին ասաց, որ ինքը զգուշացրել է ապագա որոշ խնդիրների մասին, որոնք կարող են ի հայտ գալ այն գործարարների համար, որոնք աշխատում են Արևմուտքում, բայց կարծում եմ` Եվրասիական տնտեսական միությունը ստեղծվել է հենց այդպիսի իրավիճակների համար, որպեսզի մեր երկրների տնտեսությունները լինեն ավելի ճկուն: Արդարության համար պետք է ասել, որ հունվար-փետրվարին մեզ մոտ արդեն նկատվում էր տնտեսական բարձր աճ, բայց մարտին արդեն ի հայտ եկան խնդիրներ և մտահոգություններ:

Իհարկե, մարդիկ, որոնք ժամանեցին Հայաստան, շատ լավ օգնեցին, և մենք շատ ուրախ ենք: Մենք մշտական կապի մեջ ենք մեր ռուս գործընկերների հետ, քանի որ կան նաև ոլորտներ, որոնք կարելի է միասին զարգացնել: Այժմ ի հայտ է եկել ռուսական տարածաշրջանների` հայ գործընկերների հետ աշխատելու լավ դինամիկա:

Դուք հարցրեցիք հնարավոր պատժամիջոցների մասին, ցանկանում եմ Ձեր ուշադրությունը հրավիրել հետևյալ հարցի վրա. եթե թեորեապես Հայաստանը հայտնվի պատժամիջոցների տակ` դա ձեռնտու չի լինի Ռուսաստանին: Ի՞նչ ենք առաջարկում. մենք առաջարկում ենք համագործակցել գրագետ և օգտագործել այն հնարավորությունները, որոնք այժմ բացվել են և նկատել նաև այն մարտահրավերները, որոնք ոչ միայն առնչվում են Ռուսաստանին, այլ նաև ԵԱՏՄ-ին, մեր համագործակցությանը, որպեսզի կառավարենք և ինչ-որ կերպ չեզոքացնենք այդ մարտահրավերները: Այնպես որ, մենք շատ ուրախ ենք ՌԴ այն քաղաքացիների համար, որոնք ժամանել են Հայաստան:

Երբ այս տարվա առաջին կիսամյակում քննարկում էինք` մեր ռուս գործընկերների ուշադրությունը հրավիրեցի հետևյալի վրա: Եթե նրանք տեղափոխվում են Հայաստան` նրանք մնում են Եվրասիական տնտեսական միությունում և հնարավորությունը, որ կվերադառնան Ռուսաստան՝ Հայաստանից մի քանի անգամ ավելի է, քան այն, որ նրանք աշխատեն Ֆրանսիայում կամ ԱՄՆ-ում: Նախկինում շատ ռուս զբոսաշրջիկներ արձակուրդներին ժամանում էին Հայաստան, այժմ արձակուրդին ժամանում են Ռուսաստան:

Ներկայումս մենք մեծ խնդիր ունենք անշարժ գույքի հետ, քանի որ Հայաստանում անշարժ գույքի գները բարձրանում են, վարձով բնակարնների գները ևս աճում են: Դա խնդիր է, բայց այն ստեղծում է նոր հնարավորություններ: Եթե չեմ սխալվում, այս տարի արդեն շինարարության ոլորտում ունենք 13 տոկոս աճ: Ռուսական բիզնեսը ևս հետաքրքրված է ներդրումներ իրականացնելու այդ ոլորտում:

Հնարավոր տնտեսական խնդիրների համատեքստում շատ կարևոր է՝ չնայած նրան, որ մենք շատ սերտորեն համագործակցում ենք ՌԴ-ի հետ, միջազգային վարկանիշային գործակալությունները վերահաստատում են Հայաստանի Հանրապետության բարձր վարկանիշը: Ռուսաստանցի գործարարների ուշադրությունն եմ ցանկանում հրավիրել, որ Հայաստանը հիանալի առաջխաղացում է արձանագրում ազատ տնտեսություն ունեցող պետությունների վարկանիշային աղյուսակում, և այս համատեքստում, մենք ունենք նոր հավակնություններ և հույս ունենք, որ համաշխարհային մասշտաբով վարկանիշային աղյուսակում կհայտնվենք լավագույն տասնյակում:

Ունենք շատ լավ հնարավորություններ, որպեսզի Հայաստանի և Ռուսաստանի միջև տնտեսական համագործակցությունը լինի էլ ավելի բարձր մակարդակի, չնայած նրան, որ Ռուսաստանը մշտապես, վերջին 30 տարիների ընթացքում եղել է Հայաստանի թիվ մեկ առևտրատնտեսական գործընկերը: Շատ կարևոր է, որ այժմ հնարավորություն է ստեղծվել փոխել նաև տնտեսական համագործակցության որակը»:

 

Դիտումների քանակ171
facebook icon twitter icon

Այս Թեմայով

  • Ժամանակները հեշտ չեն մեր տարածաշրջանի համար ևս. ՀՀ վարչապետի ելույթը Արևելյան տնտեսական 7-րդ համաժողովի լիագումար նստաշրջանին 12:0907 Սեպ, 2022 Ժամանակները հեշտ չեն մեր տարածաշրջանի համար ևս. ՀՀ վարչապետի ելույթը Արևելյան տնտեսական 7-րդ համաժողովի լիագումար նստաշրջանին Քաղաքականություն
  • ՀՀ վարչապետն աշխատանքային այցով ժամանել է Վլադիվոստոկ 19:0406 Սեպ, 2022 ՀՀ վարչապետն աշխատանքային այցով ժամանել է Վլադիվոստոկ Քաղաքականություն
  • ՀՀ վարչապետը Վլադիվոստոկում կմասնակցի Արևելյան տնտեսական 7-րդ համաժողովի լիագումար նստաշրջանին 18:3704 Սեպ, 2022 ՀՀ վարչապետը Վլադիվոստոկում կմասնակցի Արևելյան տնտեսական 7-րդ համաժողովի լիագումար նստաշրջանին Քաղաքականություն
Հիմա եթերում
Լրահոս
  • Նոր նյութերի սինթեզ՝ դեղագիտության ոլորտում 00:5329 Հնվ, 2023
  • Հայագիտության հանրայնացումը՝ ժամանակի հրամայական 00:2529 Հնվ, 2023
  • Ընդունել դիմացինին՝ առանց ծաղրելու. ուսուցողական ինտերակտիվ ներկայացում 00:0329 Հնվ, 2023
  • Հունվարի 29-ի եղանակային կանխատեսումները 23:3928 Հնվ, 2023
  • Նոր կրակոցներ՝ Երուսաղեմում, տուժել է 2 մարդ 23:1228 Հնվ, 2023
  • Իրանում գրանցված երկրաշարժը զգացվել է նաև Արցախում 23:0228 Հնվ, 2023
  • Երկրաշարժ Իրանի Խոյ քաղաքից 34 կմ հարավ-արևելք. այն զգացվել է Երևանում և մարզերում 22:3528 Հնվ, 2023
  • Շահումյան գյուղից Խոր Վիրապ տանող ավտոճանապարհին՝ կամրջի մոտ, բախվել է 9 ավտոմեքենա 21:5628 Հնվ, 2023
  • 4 անշարժ գույք, 228 մլն դրամ, 54 հազար դոլար. պատգամավոր Մարտուն Գրիգորյանի հայտարարագիրը 21:2128 Հնվ, 2023
  • Բնական ծաղիկներից ու խեժից ձեռագործ զարդեր 21:0928 Հնվ, 2023
  • Լուրեր. Գլխավոր թողարկում 21:00 | 28.01.2023 21:0028 Հնվ, 2023
  • Գլխավոր դատախազ Աննա Վարդապետյանն այցելել է Զինվորի տուն 20:5828 Հնվ, 2023
  • Շնորհավորական ուղերձներ՝ ՀՀ զինված ուժերի կազմավորման 31-րդ տարեդարձի առիթով 20:5328 Հնվ, 2023
  • Շվեդիան դադարեցրել է Թուրքիայի հետ բանակցությունները ՆԱՏՕ-ին անդամակցելու շուրջ 20:4828 Հնվ, 2023
  • Յունուար 28-ը՝ 60 երկվայրկեանի մէջ. արևմտահայերէն լուրեր 20:4428 Հնվ, 2023
  • Չեխիայում ավարտվել է նախագահի ընտրությունների երկրորդ փուլի քվեարկությունը. հայտնի են նախնական արդյունքները 20:3728 Հնվ, 2023
  • Վարչապետը ՀՀ ԶՈՒ կազմավորման 31-րդ տարեդարձի առիթով այցելել է ՊՆ 20:2928 Հնվ, 2023
  • Հայաստանի ու Ադրբեջանի միջև խնդիրները չեն կարող ունենալ ռազմական լուծում. Դոնֆրիդ 20:2328 Հնվ, 2023
  • Օրը՝ 60 վայրկյանում | 28.01.2023 20:1828 Հնվ, 2023
  • Էրդողանը հայտարարել է, որ իրավական խոչընդոտներ չի տեսնում նախագահի պաշտոնում առաջադրվելու համար 20:1228 Հնվ, 2023
  • Հայաստանում բենզինի գինը շարունակում է նվազել 20:0928 Հնվ, 2023
  • ԿԳՄՍ նախարարն այցելել է Արամ Մանուկյանի անվան մարզառազմական մասնագիտացված վարժարան 20:0528 Հնվ, 2023
  • «Պաշտպան հայրենյաց» ծրագիրը պրոֆեսիոնալ բանակի անկյունաքարերից է 20:0128 Հնվ, 2023
  • Թույլ տվեք քննություն հանձնենք. ստոմատոլոգը՝ հավաստագիր ստանալու մասին 19:5228 Հնվ, 2023
  • Մաստարա-Լանջիկ ավտոճանապարհին խիտ մառախուղ է, տեսանելիությունը՝ 3-4 մետր 19:4128 Հնվ, 2023
  • Ադրբեջանն ամբողջությամբ անջատել է Հայաստանից Արցախ գազամատակարարումը 19:2628 Հնվ, 2023
  • Ադրբեջանը պետք է անհապաղ դադարեցնի Լեռնային Ղարաբաղի շրջափակումը. ԱՄՆ սենատոր 19:2428 Հնվ, 2023
  • Ադրբեջանում բնական գազի արդյունահանման ավելացումը կարևոր է Կենտրոնական Եվրոպայի էներգետիկ անվտանգության համար. Սիյարտո 19:1828 Հնվ, 2023
  • Առաջիկա օրերին սպասվում է ձյուն, ջերմաստիճանը գիշերը կբարձրանա 8-10 աստիճանով 19:0728 Հնվ, 2023
  • Ֆինլանդիան և Շվեդիան կշարունակեն ՆԱՏՕ-ին անդամակցելու համատեղ ճանապարհը. Հաավիստո 18:4928 Հնվ, 2023
  • Այգեձորի մանկապարտեզը վերակառուցվել է. կարող է ընդունել մինչև 60 երեխա 18:3728 Հնվ, 2023
  • Երթևեկությունն առավել անվտանգ դարձնելու նպատակով Ճանապարհային նոր նշաններ կներդրվեն 18:1928 Հնվ, 2023
  • Որդուն սպասելով. Զառա Զաքարյանի «լույսի շողը» 17:5828 Հնվ, 2023
  • Գլխավոր դատախազն այցելել է «Զինվորի տուն» 17:4128 Հնվ, 2023
  • Եգիպտոսի նախագահ Աբդել Ֆաթթահ Ալ-Սիսին երկօրյա պաշտոնական այցով ժամանել է Հայաստան 17:2728 Հնվ, 2023
  • Հայաստանի միջազգային պահուստները 2022-ի տարեվերջին հատել են 4 մլրդ դոլարի շեմը 17:1628 Հնվ, 2023
  • Լուրեր 17:00 | 28.01.2023 17:0028 Հնվ, 2023
  • Զարեհ Սինանյանը հանդիպումներ է ունեցել Մոսկվայի բուհերում սովորող հայ ուսանողների հետ 16:5628 Հնվ, 2023
  • Իսրայելի ոստիկանությունը հայտնել է Արևելյան Երուսաղեմում երկրորդ ահաբեկչության մասին 16:4328 Հնվ, 2023
  • Հայոց բանակի օրվա կապակցությամբ Տավուշի մարզպետարանից տեղի է ունեցել քայլերթ դեպի Ազատամարտիկների պուրակ 16:3128 Հնվ, 2023
  • Միյատովիչը վերահաստատել է միջազգային առաքելությունների ազատ և անարգել մուտքը Արցախ ապահովման կարևորությունը 16:1328 Հնվ, 2023
  • Մարմնամարզության եվրոպական ֆեդերացիան որոշում է կայացրել 2027 թ. մարմնամարզության Եվրոպայի առաջնությունը շնորհել Երևանին. Արայիկ Հարությունյան 16:0128 Հնվ, 2023
  • Երուսաղեմում հրեա արմատականները փորձել են հարձակվել հայկական ռեստորանի վրա 15:5828 Հնվ, 2023
  • Քերոբյանը BostonGene ընկերության ներկայացուցիչներին է ներկայացրել Հայաստանի տնտեսության ոլորտում գրանցված բարձր ցուցանիշները 15:5528 Հնվ, 2023
  • Լաչինի միջանցքի շուրջ ստեղծված իրավիճակը խոչընդոտ է Հայաստանի ու Ադրբեջանի միջև խաղաղ գործընթացի առաջխաղացման համար. Դոնֆրիդ 15:4328 Հնվ, 2023
  • Հունաստանի խորհրդարանը մերժել է Միցոտակիսի գլխավորած կառավարությանը հայտնած անվստահության քվեն 15:3328 Հնվ, 2023
  • Անհրաժեշտ է ուժեղ և պրոֆեսիոնալ բանակ՝ ուժեղ հոգով, իմացությամբ, ինտելեկտով և ժամանակակից տեխնոլոգիաներին տիրապետելով. ՀՀ վարչապետ 15:2328 Հնվ, 2023
  • Երուսաղեմում ահաբեկչության զոհերի թիվը հասել է 8-ի 15:1928 Հնվ, 2023
  • Արմեն Նազարյանն այցելել է Ինֆեկցիոն հիվանդությունների ազգային կենտրոնի Զինվորական բաժանմունք 15:0528 Հնվ, 2023
  • Մակրոնը վերահաստատել է, որ ցանկանում է շարունակել երկխոսությունը Ռուսաստանի հետ 14:4228 Հնվ, 2023
  • Ամենայն Հայոց Կաթողիկոսը հոգևոր դասի ուղեկցությամբ այցելել է «Եռաբլուր» զինվորական պանթեոն 14:3628 Հնվ, 2023
  • Հայաստանում Ռուսաստանի դեսպանությունը շնորհավորական ուղերձ է հղել Բանակի օրվա առթիվ 14:3128 Հնվ, 2023
  • Վահե Ղազարյանը Սերգեյ Կոպիրկինի հետ հանդիպմանը կարևորել է Ռուսաստանի հետ արդյունավետ համագործակցությունը 14:2628 Հնվ, 2023
  • 47 օր ընտանիքներից կտրված արցախցի երեխաները տուն են վերադարձել 14:1428 Հնվ, 2023
  • Հայոց բանակը 31 տարեկան է 13:5728 Հնվ, 2023
  • Արագածոտնի և Շիրակի մարզերում ձյուն է տեղում 13:3328 Հնվ, 2023
  • Շիրակի մարզային և քաղաքային իշխանության ներկայացուցիչները Ազատամարտիկների պանթեոնում հարգանքի տուրք են մատուցել զինվորների հիշատակին 13:1228 Հնվ, 2023
  • Լուրեր 13:00 | 28.01.2023 13:0028 Հնվ, 2023
  • Գոհունակությամբ փաստում ենք Հայաստանի զինված ուժերի հետ մեր խորացող փոխգործակցությունը. ՀՀ-ում ԱՄՆ դեսպանատուն 12:5228 Հնվ, 2023
  • Հնդկաստանում ռազմաօդային ուժերի երկու ինքնաթիռ է կործանվել 12:3428 Հնվ, 2023
  • Հայոց բանակը հայ զինվորն ու հայ սպան է, ամուր թիկունք կանգնենք մեր պաշտպաններին. Տիգրան Ավինյան 12:0728 Հնվ, 2023
  • Բայդենը Նեթանյահուին օգնություն է առաջարկել Երուսաղեմի սինագոգի մոտ տեղի ունեցած ահաբեկչության կապակցությամբ 11:5428 Հնվ, 2023
  • Անկարայում ԱՄՆ-ի, Ֆրանսիայի և Գերմանիայի դեսպանությունները նախազգուշացրել են երկրում ահաբեկչության վտանգի մասին 11:3628 Հնվ, 2023
  • Մեզ համար առաջնահերթ է գիտության նկատմամբ հետաքրքրության զարգացումը՝ սկսած դպրոցից. Ժաննա Անդրեասյան 11:3028 Հնվ, 2023
  • Ադրբեջանական հատուկ ծառայությունները Ստեփանակերտի բնակիչներին տարհանելու վերաբերյալ հերթական կեղծ փաստաթուղթն են տարածում. Արցախի ԱԱԾ 11:0028 Հնվ, 2023
  • Հրդեհ Շինուհայր գյուղում 10:5628 Հնվ, 2023
  • Հավատում ենք, որ Հայոց բանակը պիտի վերագտնի փառքի իր ճանապարհը. Գարեգին Բ 10:3928 Հնվ, 2023
  • Արցախի գազալցակայանները ժամը 10։30-17:00-ն կվերսկսեն աշխատանքը 10:2528 Հնվ, 2023
  • Բանակի օրվա առթիվ վարչապետ Նիկոլ Փաշինյանն այցելել է «Եռաբլուր» պանթեոն 10:0528 Հնվ, 2023
  • Վերելքի տարի Պարոնյան թատրոնում՝ 2022-ին 09:4228 Հնվ, 2023
  • Հանուն պետականության, ինքնիշխանության, անկախության ու անվտանգության մեր պայքարը չի կարող ձախողվել, եթե կա նվիրում, եթե կա հավատ. Նիկոլ Փաշինյան 09:3628 Հնվ, 2023
  • Բանակն ինքնաբավ կառույց չէ, այլ հասարակության խտացված արտացոլանքն ու պետական մտածողության բյուրեղացման արդյունքը. Վահագն Խաչատրյանի ուղերձը 09:1828 Հնվ, 2023
  • Փրկարարները հայտնաբերել են մոլորված քաղաքացուն 09:1528 Հնվ, 2023
  • Առավել քան երբևէ մեզ հզոր թիկունք, անվտանգ ու պաշտպանված սահմաններ են պետք. Ալեն Սիմոնյանի ուղերձը 09:1328 Հնվ, 2023
  • Շոկոլադագործության դասընթացը՝ բիզնես սկսելու խթան 08:2128 Հնվ, 2023

Հեղինակային բոլոր իրավունքները պաշտպանված են

© 2022 1lurer.am

[email protected]։ Երևան, Նորք 0011, Գ․ Հովսեփյան փող., 26 շենք

+374 10 650015