Եմենի հարավային Ադեն քաղաքի օդանավակայանում հզոր պայթյուն է որոտացել: Ահաբեկչությունը տեղի է ունեցել այն բանից հետո, երբ օդանավակայանում վայրէջք է կատարել Եմենի կառավարության նորաստեղծ կազմին փոխադրող օդանավը՝ փոխանցում է Al Jazeera-ն:
Եմենի ներքին գործերի նախարարությունից տեղեկացնում են, որ հզոր պայթյունի զոհ է դարձել առնվազն 26 մարդ, տուժել են ավելի քան 50-ը: Ահաբեկչության պատասխանատվությունն առայժմ ոչ մի խմբավորում չի ստանձնել:
Կառավարության անդամներից ոչ ոք չի տուժել: Հարձակումից ժամեր անց Ադենում գտնվող նախագահական նստավայրի հարևանությամբ երկրորդ պայթյունն է որոտացել: Տուժածների կամ զոհերի մասին տեղեկություններ չեն հաղորդվում:
