Մ․ Նահանգներում ՀՀ դեսպան Նարեկ Մկրտչյանը, Փեփերդայնի համալսարանի հրավերով, բանախոսել է Հանրային քաղաքականության դպրոցում (Pepperdine University School of Public Policy)։
Հանդիպմանը մասնակցել են համալսարանի փոխնախագահ, Միջազգային հարաբերությունների և քաղաքականության պրոֆեսոր Ջեյ Բրուսթերը, դեկան (Braun Family Dean's Chair) Փիթ Փեթերսոնը, պրոֆեսորադասախոսական կազմի ներկայացուցիչներ։
Դեսպան Մկրտչյանն անդրադարձել է Երևան–Վաշինգտոն հարաբերությունների զարգացմանը, Հայաստանի ինքնիշխանության և ժողովրդավարական արժեքների պահպանմանը, ինչպես նաև արդի այլ թեմաների։
Հանդիպման ընթացքում դեսպանը պատասխանել է ներկաների հարցերին՝ հնարավորություն ստեղծելով քննարկել երկկողմ հետաքրքրություն ներկայացնող մի շարք հարցեր։
Ողջույնի խոսքով հանդես է եկել նաև պրոֆեսոր Կիրոն Սկինները։
Ձեռք է բերվել պայմանավորվածություն՝ Փեփերդայնի համալսարանում հայ–ամերիկյան օրակարգին առնչվող թեմաներ ներկայացնելու ուղղությամբ։
