Կապսում ՀՀ կառավարության միջոցներով հիմնանորոգվում են բնակավայրի 2-րդ, 9-րդ և 11-րդ փողոցները։ Երեք ճանապարհներն էլ տանում են դեպի նորակառույց դպրոց՝ ապահովելով դպրոցի համար ավելի հարմար և անվտանգ ճանապարհային կապ։ Այս մասին հայտնում է Ախուրյանի համայնքապետարանը։
Հիմնանորոգվող ճանապարհների ընդհանուր երկարությունը շուրջ 700 մետր է, ծրագրի արժեքը՝ մոտ 130 միլիոն դրամ։
Ասֆալտապատմանը նախորդում են անհրաժեշտ ենթակառուցվածքային աշխատանքներ․ վերանորոգվում է ջրահեռացման ցանցը, նորոգվում և ամրացվում է ճանապարհի հիմքը, լուծվում են նաև մի շարք այլ խնդիրներ։
