Քենիայում առատ տեղումների և համատարած հեղեղումների պատճառով սողանքներ են առաջացել: Հողի ահռելի շերտի տակ են մնացել մի շարք գյուղեր՝ բնակիչներով ու տներով: Հաղորդվում է 37 զոհի մասին: Կան տուժածներ ու անհետ կորածներ: Աղետի գոտում իրականացվում են որոնողափրկարարական աշխատանքներ: Փլատակների տակից դուրս են բերվել բազմաթիվ զոհերի, այդ թվում՝ երեխաների մարմիններ: Օդերևութաբանների կանխատեսումները հուսադրող չեն. առատ տեղումները դեռ կշարունակվեն: