Միացյալ Նահանգների ու Մեծ Բրիտանիայի իշխանություններն Աֆղանստանում գտնվող իրենց բոլոր քաղաքացիներին կոչ են արել անհապաղ հեռանալ այդ երկրից՝ կապված Աֆղանստանում «անվտանգության իրավիճակի վատթարացման» հետ՝ փոխանցում է Mehr գործակալությունը:
Բրիտանիայի կառավարությունը երկրի քաղաքացիներին զգուշացնում են հույսը չդնել արտակարգ դրությամբ պայմանավորված տարհանման վրա՝ հավելելով, որ աջակցությունը խիստ սահմանափակ է լինելու:
Քաբուլում ԱՄՆ դեսպանությունը նույնպես իր քաղաքացիներին տեղեկացրել է, որ օգնությունը սահմանափակ է լինելու՝ կապված անվտանգային պայմանների հետ: Ամերիկյան դիվանագիտական առաքելությունը կրճատում է իր աշխատակազմը երկրում բռնությունների աճին զուգահեռ:
Միաժամանակ «Թալիբան» շարժումը պնդում է, որ իր վերահսկողության տակ է անցել Աֆղանստանի ևս երկու շրջան:
