ՀՀ կառավարությունը հուլիսի 12-ին ժամը 11-ին, արտահերթ նիստ է հրավիրել. 1lurer.am-ը տեղեկացավ կառավարության e-gov.am կայքից:
Կառավարության արտահերթ նիստի օրակարգում ընդամենը մեկ հարց է՝ «Հայաստանի Հանրապետության 2022-2024 թվականների պետական միջնաժամկետ ծախսերի ծրագիրը և Հայաստանի Հանրապետության կառավարության պարտքի բեռի նվազեցման 2022-2026 թվականների ծրագիրը հաստատելու մասին» նախագիծը: Նախատեսված է, որ այն կզեկուցի ֆինանսների նախարարի պաշտոնակատար Ատոմ Ջանջուղազյանը:
Նախագծով ՀՀ ֆինանսների նախարարությունն առաջարկում է 2022-2026թթ. համար սահմանել տարեկան միջինը 7% տնտեսական աճի ցուցանիշ:
