Կառավարության միջգերատեսչական հանձնաժողովի կողմից 2021 թվականի հաստատված սուբվենցիոն ծրագրով Կոտայքի մարզի Գեղաշեն համայնքի մանկապարտեզի գույքի ձեռքբերման աշխատանքներն ընթացքի մեջ են: Այս մասին Ֆեյսբուքի իր էջում գրել է Կոտայքի մարզպետ Ահարոն Սահակյանը:
Մանկապարտեզի գույքի մի մասն արդեն ստացված է: Ամբողջական ձեռքբերումից անմիջապես հետո մանկապարտեզը կհանձնվի շահագործման:
Աշխատանքներն իրականացվում են պետություն-համայնք
40/60% համաֆինանսավորմամբ: Գեղաշենում երբևէ մանկապարտեզ չի գործել:
Կրկին կառավարության սուբվենցիոն ծրագրով Գեղաշենում 2019 թվականին հիմքից կառուցվել է նոր մանկապարտեզ՝ նախատեսված համայնքի շուրջ 140 փոքրիկների համար, իսկ արդեն 2020 թվականի սուբվենցիայով իրականացվել են բակային հատվածի կառուցման և ինժեներական ցանցի անցկացման աշխատանքներ:
Ծրագրի շրջանակում կառուցվում է նաև խաղահրապարակ, իրականացվում է կանաչապատում:
