Բաղդադում բողոքի ցույցերը շարունակվում են: Շարժմանը մասնակցելու համար մայրաքաղաք են շտապում ցուցարարներ Իրաքի տարբեր շրջաններից: Ակցիայի կազմակերպիչները հայտարարել են, որ ցույցերը չեն դադարեցնի այնքան ժամանակ, քանի դեռ չեն կատարվել իրենց բոլոր պահանջները, ներառյալ ընտրական օրենսդրության բարեփոխումն ու կառավարության փոփոխությունը: Նրանք նաև հաստատել են, որ չեն փորձի անցնել «կանաչ գոտու» տարածքը, որտեղ տեղակայված են կառավարական շենքերն ու արտասահմանյան դեսպանատները: Անցած անգամ այդ տարածք թափանցելու փորձն ավարտվեց ոստիկնանների հետ բախումներով, եղան հարյուրավոր զոհեր ու վիրավորներ: