Չեխիայի մայրաքաղաքի կենտրոնում բազմահազարանոց ցույցեր են տեղի ունենում միլիոնատեր վարչապետ Անդրեյ Բաբիշի հրաժարականի պահանջով: Ցուցարարները, որոնք հիմնականում երիտասարդներ են, կառավարության ղեկավարին մեղադրում են ստի, կոռուպցիայի, լիազորությունների չարաշահման և պետական կառավարման հաստատություններում մաֆիոզ պրակտիկա ներդնելու մեջ:
Վարչապետը հայտարարել է, որ զբաղվում է բացառապես քաղաքական գործունեությամբ: Նա թողել է բիզնեսը հանուն պետական բարձր պաշտոնի՝ աշխատելով «ի շահ պետության և հասարակության»: Չեխիայի գլխավոր դատախազ Պավել Զեմանն էլ ասել է, որ կվերսկսվի վարչապետ Բաբիշի նկատմամբ ֆինանսական խարդախության գործով հետաքննությունը: