Պուտին-Զելենսկի հնարավոր հանդիպումը Փարիզում պաշտոնական չի լինի, քանի որ տեղի է ունենալու մեկ այլ միջոցառման շրջանակում, հայտարարել է Ռուսաստանի արտգործնախարար Սերգեյ Լավրովը՝ հույս հայտնելով, որ երկու նախագահների շփումը, այնուամենայնիվ, օգտակար կլինի:
Լավրովը նշել է նաև, որ կարևոր է հասկանալ, թե ինչպես է Կիևը պատկերացնում Մինսկի պայմանավորվածությունների իրագործումը: «Մենք չէ, որ կրճատել ենք երկկողմ հարաբերությունը, դադարեցրել տրանսպորտային հաղորդակցությունը»,- ասել է Լավրովը՝ հավելելով, որ եթե ուկրաինական կողմը շահագրգռված է դրանց վերականգնմամբ, դա չի ուշանա:
«Նորմանդական քառյակի» գագաթնաժողովը՝ Ռուսաստանի, Ուկրաինայի, Ֆրանսիայի և Գերմանիայի ղեկավարների մասնակցությամբ, տեղի կունենա դեկտեմբերի 9-ին:
