Իրանի հոգևորականությունն առաջարկում է իշխանությունն անջատել կրոնից: Ըստ haqqin.az-ի, երկրում բողոքի վերջին ալիքը պառակտում է առաջացրել երկրի գլխավոր ղեկավարության՝ մեծ այաթոլլաների շարքում, որոնք անսահմանափակ իշխանություն ունեն Իրանի Իսլամական Հանրապետության կառավարման համակարգում:
Հոգևորականներն ըմբոստանում են ինչպես Ռոհանիի ղեկավարած աշխարհիկ կառավարության գործողությունների, այնպես էլ գլխավոր հոգևոր առաջնորդ Խամենեիի դեմ: Մի քանի հեղինակավոր այաթոլլաներ նախ հրապարակավ դատապարտել են ժողովրդական շարժման դաժան ճնշումը, այնուհետև ավելի առաջ գնացել և հիմա էլ քննադատում են հոգևորականների բացարձակ հսկողությունը բոլոր պետական-քաղաքական կառույցների նկատմամբ: Վերլուծաբանների կարծիքով՝ սա, ըստ էության, կրոնը պետությունից բաժանելու կոչ է:
