Հայաստանի հանրային հեռուստաընկերությունը և Եվրոպական հեռարձակողների միությունը ներկայացնում են «Դասական Եվրատեսիլ 2026»-ը։
Առաջին ալիքը հայտնում է՝ հունիսի 6-ին՝ լեգենդար Արամ Խաչատրյանի ծննդյան օրը, Օպերայի և բալետի ազգային ակադեմիական թատրոնում ՀՀ ԿԳՄՍ նախարարության բարձր հովանու ներքո անցկացվող այս մրցույթում եվրոպական 10 երկրների 12-21 տարեկան պատանի երաժիշտներ մրցելու են իրենց տաղանդով և մեծ լսարանին հրավիրելու են Երևան՝ դասական արվեստի իրական տոնի մասնակից դառնալու։ Այս եզակի համերգին հետևելու բացառիկ հնարավորություն ունի նաև Առաջինի հեռուստադիտողը։
«Դասական Եվրատեսիլ 2026». հունիսի 6-ին՝ 20։00-ին, ուղիղ, Առաջինով։
