Խորհրդարանի գլխադասային հանձնաժողովը մերժել է պատգամավոր Հայկ Սարգսյանի նախագիծը՝ այսպես կոչված «գումարով բանակում ծառայությունը կրճատելու մասին»: Պատգամավորը զինվորների թվաքանակն ավելացնելու համար առաջարկում էր ծառայության սահմանային տարիքը բարձրացնել, ծառայությունից խուսափելու համար բժշկական փորձաքննությունից հրաժարվելը քրեականացնել, ծառայությունից խուսափած անձանց տալ կարճաժամկետ ծառայության հնարավորություն մեծ գումարի դիմաց, ինչն արդեն սահմանվել է 27 տարին լրացածների համար: Նախագծի ընդունմանը դեմ են արտահայտվել և՛ կառավարող, և՛ ընդդիմադիր խմբակցությունների պատգամավորները:
Հեղինակ՝ Վարդուհի Արզումանյան
