Իսլամական հեղափոխության պահապանների կորպուսը (ԻՀՊԿ) հայտարարել է, որ ամբողջական վերահսկողությունն ունի Հորմուզի նեղուցի նկատմամբ, և որ այն անցնելու փորձ կատարող ցանկացած նավ կարող է ենթարկվել հրթիռների կամ անօդաչու թռչող սարքերի հարձակման։
«Ներկայումս Հորմուզի նեղուցը գտնվում է Իսլամական Հանրապետության ռազմածովային ուժերի լիակատար վերահսկողության ներքո»,- Fars լրատվական գործակալությունը հրապարակել է ԻՀՊԿ ռազմածովային ուժերի ներկայացուցիչ Մոհամեդ Աքբարզադեի հայտարարությունը։
Միևնույն ժամանակ ԱՄՆ նախագահ Դոնալդ Թրամփը հայտարարել է, որ ԱՄՆ ռազմածովային ուժերը պատրաստ են ուղեկցել նավթատար նավերը Պարսից ծոցի այս կենսականորեն կարևոր նավագնացության երթուղով։
Հորմուզի նեղուցը համարվում է աշխարհի ամենակարևոր ծովային առևտրային ուղիներից մեկը և նավթի տարանցման հիմնական երթուղին։ Աշխարհի նավթի և գազի մատակարարումների մոտավորապես մեկ հինգերորդն անցնում է այդ հատվածով։
