Կտեսնենք՝ ինչ է հնարավոր անել. Փաշինյանը՝ ԼՂ-ից տեղահանվածների վարորդական իրավունքների վերականգնման մասին

Վարչապետ Նիկոլ Փաշինյանը ճեպազրույցի ժամանակ անդրադարձավ ԼՂ-ից տեղահանվածների վարորդական իրավունքը վերականգնելու հարցին։

«Պարզվում է՝ մի քիչ նոր թեմա է դա, որը պետք է լրացուցիչ ուսումնասիրենք։ Ճիշտն ասած՝ ես հիմա պատրաստ չեմ, որովհետև այդտեղ պետք է նայել հիմքերը պահպանվա՞ծ են, թե՞ պահպանված չեն, և ըստ այդմ` որևէ ձևով կարձագանքենք։ Որովհետև նախորդիվ հարցը այնպես էր, որ այն հատվածը վարորդների, ում հետ մենք պայմանավորվել ենք, այդ պայմանավորվածությունը չի կատարվում, բայց դա, իհարկե, կատարվում է, և դատարանների հետ կապված էլ այդպիսի պայմանավորվածություն չի եղել։ Հիմա Ձեր ասածը նոր թեմա է, որին կծանոթանանք և կտեսնենք՝ ինչ է հնարավոր անել»,- ասաց նա։