ԱՄՆ զինվորականները Վենեսուելայի ափերի մոտ կալանել են նավթային լցանավ: Bloomberg գործակալության տվյալով՝ այն գտնվում է պատժամիջոցների ցուցակներում։ Լցանավի կալանումը կարող է բարդացնել վենեսուելական նավթի արտահանումը:
ԱՄՆ նախագահ Դոնալդ Թրամփը հաստատել է լցանավի կալանումը: Թրամփի խոսքով՝ դա իրենց՝ երբևէ կալանած ամենամեծ լցանավն է:
«Այն կալանվել է շատ հիմնավոր պատճառով»,- նշել է Թրամփը՝ առանց մեկնաբանելու պատճառը:
Վենեսուելան նավթային լցանավի կալանումը որակել է «կողոպուտ և միջազգային ծովահենության ակտ»:
«Դեռ 2024 թվականի իր քարոզարշավի ժամանակ Դոնալդ Թրամփը բացահայտ հայտարարել է, որ իր նպատակը Վենեսուելայի նավթը զավթելն է՝ առանց դրա դիմաց որևէ փոխհատուցման: Դա մեր էներգետիկ հարստությունը թալանելու կանխամտածված ծրագրի մի մասն է»,- հայտարարել են Վենեսուելայի ԱԳՆ-ից:
