Հերոսները ոչ միայն պատերազմի դաշտում են, այլև այնտեղ, որտեղ հերոսության կարիք կա: Ալավերդու պղնձագործները այդ տարիներին իրենց վրա վերցրին Սանահինում ապաստանած լենինգրադցի 100 երեխայի խնամքը: Զինվորներին սննդի ծանրոցներ ուղարկեցին, երբ հաճախ իրենք էին սովում: Ալավերդու գործարանում նոր արտադրամասեր բացվեցին, ամենամեծ նվիրատվությունն արեցին տանկային ու ինքնաթիռների շարասյուների արտադրության ֆոնդին: Ալավերդում է ձուլվել Երկրորդ աշխարհամարտում կարմիր բանակի կրակած յուրաքանչյուր չորրորդ փամփուշտը: