Մեծ Բրիտանիայի Առողջապահության ազգային ծառայությունը (NHS) հայտնել է, որ կորոնավիրուսով վարակված երեխաների թիվը կտրուկ աճել է: «Մեծ է անհանգստությունը, որ Մեծ Բրիտանիայում երեխաներն ունենում են բորբոքային համախտանիշ՝ կապված COVID-19-ի հետ»,- ասվում է NHS զեկույցում: Միաժամանակ հստակեցվում է, որ կորոնավիրուսով երեխաների թիվն աճում է ինչպես Լոնդոնում, այնպես էլ Միացյալ Թագավորության այլ շրջաններում:
Մեծ Բրիտանիայում գրանցվել է կորոնավիրուսով վարակի 154 հազար դեպք, մահացել է ավելի քան 20 հազար մարդ: