Պայթյուն է որոտացել Աֆղանստանի Նանգարհար նահանգի մզկիթներից մեկում: Ըստ լուրերի, հրթիռն ընկել է շենքի տանիքի վրա, զոհվել է ավելի քան վեց տասնյակ մարդ, կան տասնյակ վիրավորներ: Բռնարարքը տեղի է ունեցել ուրբաթօրյա աղոթքի ժամանակ: Նահանգում գործող ոչ մի խմբավորում առայժմ չի ստանձնել ահաբեկչության պատասխանատվությունը:
Մեկ այլ տեղեկության համաձայն, Աֆղանստանի հյուսիսարևմտյան Հերաթ նահանգում 6 մարդ է զոհվել, 5-ն էլ վիրավորվել են ճանապարհին տեղադրված ռումբի պայթյունից, բոլորը՝ խաղաղ բնակիչներ: