Ֆլորիդա նահանգի օրենսդիր մարմինը հաստատել է Փալմ Բիչի միջազգային օդանավակայանը նախագահ Դոնալդ Թրամփի պատվին վերանվանելու օրինագիծը՝ տեղեկացնում է CBS News-ը:
Այն կանվանի նախագահ Դոնալդ Ջ. Թրամփի անվան միջազգային օդանավակայան: Ֆլորիդայի Սենատն օրինագիծը հաստատել է Ներկայացուցիչների պալատի հաստատումից հետո: Հանրապետականները զգալի մեծամասնություն են կազմում և՛ Սենատում, և՛ Ներկայացուցիչների պալատում: Լրատվականը հայտնել է, որ փաստաթուղթը պետք է հաստատեն նաև նահանգապետ Ռոն Դեսանտիսը և ԱՄՆ Դաշնային ավիացիոն վարչությունը։
Նախաձեռնողները վերանվանումը համարել են հարգանքի տուրք առաջին նախագահին, որը Ֆլորիդան հայտարարել է իր մշտական բնակության վայր: Թրամփի Մար-ա-Լագոյի նստավայրը գտնվում է օդանավակայանից հինգ մղոն հեռու։
Օրինագծով նախատեսվում է տարեկան մոտ 8,6 միլիոն ուղևորի սպասարկող Փալմ Բիչի օդանավակայանի ցուցանակների և այլ տարրերի փոխարինման համար հասկացնել 2,75 միլիոն դոլար:
Ավելի վաղ լուրեր էին շրջանառվում Վաշինգտոնի մոտակայքում գտնվող Դալեսի օդանավակայանը Թրամփի անունով վերանվանման մասին, իսկ 2025 թվականին Վաշինգտոնի Քենեդիի կենտրոնը վերանվանվեց Թրամփի և Քենեդու պատվին:
