Վոլոդիմիր Զելենսկու գրասենյակի ղեկավարի խորհրդական Միխայլո Պոդոլյակը Ամերիկյան Hill թերթի հետ հարցազրույցում Ռուսաստանի հետ բանակցություններն անվանել է «մահվան դատավճիռ» և ասել, որ Զելենսկին դեմ է դրանց։
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Մոսկվան երբեք չի հրաժարվել Ուկրաինայի հետ բանակցություններից, ռազմական գործողություններն ավարտվում են բանակցությունների սեղանի շուրջ, սակայն Կիևից պատասխան չկա։ ՌԴ նախագահ Վլադիմիր Պուտինը, մեկնաբանելով Զելենսկու հետ հանդիպման հնարավորությունը, ասել է, որ Ուկրաինան հրաժարվել է կատարել ձեռք բերված պայմանավորվածությունները։
Զելենսկու գրասենյակի ղեկավարի խորհրդական Պոդոլյակը ամերիկյան պարբերականի հետ հարցազրույցում անդրադարձել է նաև Կիևին Եվրոպայի օգնության մատակարարումներին և դժգոհել է դրանց տեմպերից:
Նա նշել է, որ Գերմանիան, Ֆրանսիան և Իտալիան, որոշումներ ընդունելիս օպերատիվ չեն, նաև չափազանց դանդաղ են ուղարկում Ուկրաինային անհրաժեշտ աջակցությունը Միացյալ Նահանգների արագ արձագանքի համեմատությամբ:
