Հայաստանի Արտաքին գործոց նախարար Արարատ Միրզոյեան Ատրպէյճանի Արտաքին գործոց նախարար Ճէյհուն Պայրամովի հետ հեռախօսազրոյցի ընթացքին քննարկած է սահմանազատման, խաղաղ բանակցութիւններու նախապատրաստման և մարդասիրական խնդիրներու վերաբերեալ հարցեր։
Հայաստանի Արտաքին գործոց նախարարի և ԵԱՀԿ Մինսքի խումբի Ֆրանսայի նախագահի հանդիպումին կարևորուած է ԵԱՀԿ Մինսքի խումբի համանախագահութեան դերը:
Հայոց Ցեղասպանութեան 107-րդ տարելիցին ընդառաջ. յարգանքի տուրք ֆրանսական Քուրպվուա քաղաքին մէջ:
Ֆրանսայի մէջ կայացած նախագահական ընտրութիւններու առաջին փուլին Էմանուէլ Մաքրոն առաջատարն է: Երկրորդ փուլին ան պիտի մրցի Մարին լը Փէնի հետ։
Մարիուփոլի նաւահանգիստին մէջ պատանդ առնուած 47 նաւաստիներ ազատ արձակուած են:
Վրաստանի վարչապետ Ղարիպաշվիլին հրաժարած է ռազմական աջակցութիւն տրամադրել Ուքրանիոյ:
Ուքրանիոյ արևելքը վճռական ճակատամարտ կը սպասուի. Զելենսքի:
Հայաստանի մէջ արձանագրուած է քորոնայի 1 նոր դէպք: Առողջացած է 17, մահացած 1 անձ:
Անի Զէյթունցեան
