Ֆրանսիացի դերասանուհի, գրող և կենդանիների իրավունքների պաշտպան Բրիջիթ Բարդոն ներկայանալու է Ռեյունյոն կղզու դատարան՝ բնակիչներին անասուններ, մարդակերներ ու այլասերվածներ անվանելու համար: Նրան ռասայական ատելություն հրահրելու մեղադրանք է առաջադրվել:
Դերասանուհուն արդեն 5 անգամ դատապարտել են ռասիստական հայտարարությունների համար: Այս անգամ Բարդոն վրդովված էր տեղական սովորույթներից, ինչպիսիք էին շներին շնաձկների որսի համար խայծ օգտագործելը և կրոնական ծեսերը, որոնք ոչնչացնում են այծերին: Նա Ռեյունյոնն անվանել է «դևերի կղզի», իսկ բնակիչներին՝ «աբորիգեններ, որոնք դեռևս պահպանում են իրենց նախնիների բարբարոսական ավանդույթները»:
Դատախազն իր մեղադրական եզրակացության մեջ նշել է, որ Բրիջիթ Բարդոյի պայքարը նման գործողությունների դեմ օրինական է, սակայն դերասանուհին կղզու բոլոր բնակիչների հասցեին օգտագործել է վիրավորական արտահայտություններ, ինչն էլ հիմք է քրեական գործ հարուցելու համար:
