Ստամբուլի Էթիլեր թաղամասի սուպերմարկետներից մեկում 3 կին աշխատակից է հեռացվել աշխատանքից գլխաշոր կրելու պատճառով: Կանայք բողոք են ներկայացրել ADECCO զբաղվածության ծառայություններ՝ մատուցող ընկերության տնօրենի և Թուրքիայում հայտնի Migros սուպերմարկետների ցանցի տվյալ մասնաճյուղի տնօրենի դեմ։
Երբ ապրիլի 28-ին կանայք աշխատանքի են գնացել, սուպերմարկետի տնօրենը զարմացել է, քանի որ, նրա խոսքով, իրենք գլխաշորով կանանց աշխատանքի չեն ընդունում: Սակայն նույն մասնաճյուղի պատասխանատուները հերքել են տնօրենի բացատրությունը, քանի որ իրենց խանութներում գլխաշոր կրող բազմաթիվ աշխատողներ ունեն, և նրանց նկատմամբ որևէ սահմանափակում չի կիրառվում:
