Չինացի կենսաբանները ուսումնասիրել են, թե ինչպես է նոր տեսակի կորոնավիրուսն ազդում տարբեր տնային կենդանիների վրա, և եզրակացրել են, որ այն չի վարակում խոզերին, շներին, հավերին և բադերին, բայց կարող է վարակել կատուներին օդակաթիլային ճանապարհով: Նրանց հայտնագործությունները հրապարակվել են bioRxiv գիտական էլեկտրոնային գրադարանում, հայտնում է ՏԱՍՍ-ը:
Չինացի կենսաբանների փորձերը ցույց են տվել, որ SARS-CoV-2-ը հեշտությամբ է թափանցվում կատուներին և սպանում նրանց: Ավելին, այն փոխանցվում է մի կենդանուց մյուսին՝ առանց գիտնականների «օգնության»: Հետազոտության ժամանակ հիվանդ կատուն օդակաթիլային ճանապարհով վարակել է հարևան վանդակում ապրող կենդանուն: «Սա վկայում է, որ կատուները կարող են լինել նոր տեսակի կորոնավիրուսի տարածման ուղիներից մեկը»,- եզրակացնում են գիտնականները: