Հայաստանը պաշտոնապես դարձել է Թմրանյութերի չարաշահման և դրանց ապօրինի շրջանառության դեմ պայքարի համագործակցության խմբի (Պոմպիդու խումբ) 40-րդ անդամը:
Կառավարության որոշումն ուժի մեջ է մտել 2020 թվականի հունվարի 1-ից: Եվրոպայի խորհրդում Հայաստանի մշտական ներկայացուցիչ Պարույր Հովհաննիսյանը երեկ պաշտոնական նամակ է հղել գլխավոր քարտուղար Մարիա Պեյչինովիչ Բուրիչին:
Պոմպիդու խումբը միջկառավարական մարմին է, որը ստեղծվել է 1971 թվականին Ֆրանսիայի նախագահ Ժորժ Պոմպիդուի կողմից: 1980 թվականին խումբը ներառվել է Եվրոպայի խորհրդի ինստիտուցիոնալ շրջանակներում՝ որպես Ընդլայնված մասնավոր համաձայնագիր:
