Ֆրանսիայում բողոքի զանգվածային ակցիաները շարունակվում են: Եվրոպական երկրում հասարակական տրանսպորտի աշխատակիցներն այսօր ցույցեր են կազմակերպել, չնայած առաջիկա տոնական օրերին: Բողոքի ակցիաների պատճառով կաթվածահար է եղել երկաթուղային հաղորդակցությունը: Գնացքների միայն 60 տոկոսն է իր սահմանված երթուղին սպասարկում: Դրանից բացի՝ փակվել են մետրոյի մի քանի ուղղություն: Փարիզի արվարձաններում հասարակական տրանսպորտն աշխատում է խափանումներով: Ֆրանսիայի տրանսպորտի նախարարը նշել է, որ ամեն դեպքում, իրավիճակի հանգուցալուծման նախանշաններ է տեսնում, քանի որ նախորդ օրերին խափանումներն ավելի մեծ ծավալների են հասել:
