Պաղեստինյան Ինքնավարության մայրաքաղաք Ռամալլան փոթորկվել է WhatsApp-ից ծագած սեռական սկանդալի պատճառով:
Արաբական լրատվամիջոցների հաղորդմամբ՝ իշխող Ֆաթահի գործադիր կոմիտեի գլխավոր քարտուղար Ջեբրալ Ռաջուբը WhatsApp-ում գրանցված մի քանի հարյուր բարձրաստիճան պաշտոնյաների մասնավոր խմբում հաղորդագրություն է արել այն մասին, որ նախարար Հուսեյն ալ-Շեյխը, որը պատասխանատու է Իսրայելի հետ շփումների համար, կասկածվում է իր հրամանատարության տակ գտնվող կանանց նկատմամբ սեռական ոտնձգությունների մեջ: Ռաջուբը հայտարարել է, որ Աբբասի կառավարությունում նախարարը զբաղված է միայն «փեշերի ետևից վազելով»:
Նույն հաղորդագրության մեջ Ռաջուբը վիրավորել է Պաղեստինի անվտանգության ծառայության ղեկավար Մաջադ Ֆարջին, ինչը զայրացրել է Ինքնավարության ղեկավար Մահմուդ Աբբասին և ողջ արաբական աշխարհին:
Ծագած սկանդալի ֆոնին Ռաջուբի շրջապատն այժմ պնդում է, որ հաղորդագրությունը սխալմամբ է տեղադրվել WhatsApp-ում:
