Կոռուպցիայի կանխարգելման հանձնաժողովի անդամների ընտրության հարցի քննարկման հարցուպատասխանի ժամանակ «Իմ քայլը» խմբակցության պատգամավոր Սարգիս Խանդանյանը նշեց, որ հանձնաժողովն առաջինն է ինքնավար մարմիններից, որը կազմավորման պահից ի վեր ստեղծվում է լայն համախոհությամբ: Նա ընդգծեց, որ Նարեկ Համբարձումյանն առաջադրվել է «Բարգավաճ Հայաստան» խմբակցության կողմից, և հետաքրքրվեց, թե ի՞նչ փոխկապակցվածություն ունի խմբակցության հետ, և եթե գործունեության ընթացքում լինեն հարցեր, որոնք առնչվեն, օրինակ՝ «Բարգավաճ Հայաստան» խմբակցության պատգամավորներին, արդյոք կաշկանդված չի՞ լինելու որոշումներ կայացնելիս:
Նարեկ Համբարձումյանն արձագանքեց, որ փոխկապակցվածություն չունի խմբակցության հետ, բայց ենթադրում է, որ առաջադրվել է՝ հաշվի առնելով իր կրթությունը, անցած ուղին: