Պետության ղեկավարը նաև հայտարարել է, որ մինչև 2019-ի ավարտը զոհված և առաջին կարգի հաշմանդամ զինծառայողների ընտանիքները կապահովվեն բնակարանով:
Զինվորական ծառայության երկու հեղափոխական ծրագիր է ներկայացվել «Ազգ-Բանակ 2017» համաժողովում: Գաղափարներ, որոնց իրագործումը հայրենիքին ծառայելու նոր, բացառիկ հնարավորություններ է ստեղծում երիտասարդների համար: Համաժողովում Հանրապետության նախագահը շեշտել է՝ «Նոր նախաձեռնությունները, ինչպես նաև տարիների կուտակած ներուժը լուրջ հիմք կստեղծեն նոր սերնդի հրամանատարների, մտավորական-սպաների ամուր առանցք ձևավորելու համար»:
Պետության ղեկավարը նաև հայտարարել է, որ մինչև 2019-ի ավարտը զոհված և առաջին կարգի հաշմանդամ զինծառայողների ընտանիքները կապահովվեն բնակարանով: «Խաղաղ պայմաններում մենք ազգ-այգեպան ենք, իսկ վտանգի պահին դառնում ենք ազգ-բանակ»,- իր ելույթում ընդգծել է Սերժ Սարգսյանը:
