Ռազմա-քաղաքական այդ դաշինքի բիշկեկյան ոչ պաշտոնական գագաթնաժողովի ավարտին, հնչեց Հայաստանի Ազգային անվտանգության խորհրդի քարտուղար, գլխավոր շտաբի նախկին պետ Յուրի Խաչատուրովի անունը:
ՀԱՊԿ-ի շուրջ հայկական ինտրիգը վերջապես հանգուցալուծում ստացավ: Ավելի քան մեկ տարվա սպասումից հետո, իմացանք, թե Հայաստանից ո՞վ է ՀԱՊԿ գլխավոր քարտուղար նշանակվելու: Ռազմա-քաղաքական այդ դաշինքի բիշկեկյան ոչ պաշտոնական գագաթնաժողովի ավարտին, հնչեց Հայաստանի Ազգային անվտանգության խորհրդի քարտուղար, գլխավոր շտաբի նախկին պետ Յուրի Խաչատուրովի անունը:
Արդեն մայիսի 2-ից նա է ղեկավարելու ՀԱՊԿ քարտուղարությունը, որը ստեղծման օրվանից, 14 տարի վստահված էր Նիկոլայ Բորդյուժային: Այս ձգձգված հարցի վերաբերյալ՝ ՀԱՊԿ առաջնորդների միաձայն որոշումը շաբաթվա միակ նորությունը չէ Բիշքեկից: Այնտեղ նաև ԵԱՏՄ գագաթնաժողովն էր:
