ՆԳՆ ոստիկանությունը ներկայացրել է օպերատիվ իրավիճակը հանրապետությունում մայիսի 14- 15-ը:
Բացահայտվել է 196 հանցագործություն, որոնցից 17-ը՝ նախկինում կատարված:
Մասնավորապես, բացահայտվել է՝
72 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
13 դեպք՝ թմրանյութի հայտնաբերման,
12 դեպք՝ խարդախության,
9 դեպք՝ ֆիզիկական ներգործության,
8-ական դեպք՝ հոգեկան ներգործության, խուլիգանության,
7-ական դեպք՝ մարմնական վնասվածք պատճառելու, պաշտոնեական կեղծիքի կամ անփութության,
6 դեպք՝ անձնական ունեցվածքի գողության,
4-ական դեպք՝ գույքը ոչնչացնելու կամ վնասելու, զենքի, զինամթերքի առգրավման,
3 դեպք՝ հավաք անցկացնելուն կամ դրան մասնակցելուն խոչընդոտելու կամ հարկադրելու,
2-ական դեպք՝ աշխատանքի պաշտպանության կանոնները խախտելու, սառը զենք կրելու, փաստաթղթեր կեղծելու:
Բացահայտվել են նաև թմրանյութի իրացման, ծառերը, թփերը ապօրինի հատելու, երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու, անձնական կամ ընտանեկան կյանքի գաղտնիությունը խախտելու, ինքնիրավչության, փաստաթղթեր վնասելու, գրավառուին վնաս պատճառելու, անհետաձգելի միջամտության որոշումը կամ պաշտպանական որոշումը չկատարելու, անվտանգության պահանջներին չհամապատասխանող հումքերի կամ ապրանքների շրջանառության, աշխատանքների կատարման կամ ծառայությունների մատուցման և այլ դեպքեր։
Նախկինում կատարված հանցագործություններից բացահայտվել են հետևյալ դեպքերը՝
12 դեպք՝ շորթման,
3 դեպք՝ անձնական ունեցվածքի գողության,
1-ական դեպք՝ այլ հանցագործության և խարդախության։
Հայտնաբերվել է 8 հետախուզվող։
Հայտնաբերվել է 2 անհետ կորած։
Գրանցվել է զենք-զինամթերք կամավոր հանձնելու 2 դեպք։
ՃՏՊ վիճակագրությունը այսպիսին է.
անցած 1 օրում գրանցվել է 8 ավտովթար․ 1 մարդ զոհվել է, 8-ը՝ ստացել տարբեր աստիճանի մարմնական վնասվածքներ։
