Իսրայելի ոստիկանությունը ցրել է Երուսաղեմում խորհրդարանի մոտ տեղի ունեցած բողոքի ակցիան, որի ժամանակ ցուցարարներն իրենց զայրույթն են հայտնել մահացու հարձակումների համար դատապարտված պաղեստինցիներին մահապատժի ենթարկելու մասին օրենքի կապակցությամբ, հաղորդում է Euronews-ը։
Խորհրդարանը հաստատել է օրենքը, որը թույլ է տալիս մահապատիժ կիրառել պաղեստինցիների նկատմամբ, որոնք մեղավոր են ճանաչվել ահաբեկչական գործողություններ որակված մահացու հարձակումների համար:
Ցուցարարները վանկարկել են կարգախոսներ և կրել են պաստառներ, այդ թվում՝ «Պաղեստինցիների կյանքը կարևոր է» գրությամբ։
Օրենքի ընդունումը քննադատել են ընդդիմախոսները, որոնք մտահոգություն են հայտնել դրա իրավական հետևանքների և գործնական կիրառման վերաբերյալ:
