Ես Երևանի և հանրապետության այլ փողոցներում քայլում եմ, այդ թվում՝ ուղիղ եթերում, և դեռ ռուսաստանաբնակ հայրենակցի չեմ հանդիպել, որը համակրանք չի արտահայտել մեր կառավարության և քաղաքականության նկատմամբ: Այդ մասին լրագրողներին ասաց վարչապետ Նիկոլ Փաշինյանը:
«Նրանք գալու են Դոն Պիպոյի՞, թե՞ Կոկաինի Միհրանի, Նեմեց Ռուբոյի օգտին են քվեարկելու: Ես չեմ կարող մեր ժողովրդի մասին այդպիսի բան մտածել: Ես համոզված եմ, որ ճանաչում եմ մեր ժողովրդին. որ պահին պարզվի, որ ես չեմ ճանաչում մեր ժողովրդին, այդ պահից ես կդադարեմ լինել ՀՀ վարչապետ»,- նշեց Փաշինյանը:
