Վոլոդիմիր Զելենսկին հայտարարել է, որ պատերազմը կդադարեցվի միայն այն դեպքում, երբ միջազգային հանրությունը լիովին արգելափակի ռուսական նավթի հոսքերը, էներգետիկ այլ ռեսուրսները և բանկային ոլորտը: Նրա համոզմամբ՝ Ռուսաստանը խաղաղություն հաստատելու պատրաստակամություն չի ցուցաբերում: «Դեռևս չկան նշաններ, որ Մոսկվան մտադիր է կանգնեցնել իր ռազմական մեքենան»,- ասել է Ուկրաինայի նախագահը։
Միևնույն ժամանակ, նրա կարծիքով, խաղաղության կարող են մոտենալ աշնանը՝ ԱՄՆ-ում միջանկյալ ընտրության ֆոնին։ Խոսելով Դոնալդ Թրամփի հետ իր հարաբերությունների մասին՝ Զելենսկին դրանք բնութագրել է «բարդ», սակայն ընդգծել է, որ դա չի կարող ազդել երկու երկրի գործակցության վրա:
Կրեմլից էլ հայտնել են, որ աշխատանքներ են տանում Ուկրաինա-Ռուսաստան-ԱՄՆ բանակցությունների հաջորդ փուլի նախապատրաստման ուղղությամբ, ամսաթիվը կհայտարարվի ավելի ուշ:
Նախօրեին Զելենսկին հայտնել էր, որ եռակողմ հանդիպումը կարող է կայանալ մարտի սկզբին՝ Աբու Դաբիում:
