Չինաստանը հանդես է գալիս Ուկրաինայում խաղաղության հաստատմանն ուղղված բոլոր նախաձեռնությունների օգտին և հակամարտության կողմերին կոչ է անում օգտվել երկխոսության բացվող հնարավորությունից՝ համապարփակ և իրավաբանորեն պարտավորեցնող համաձայնագիր մշակելու նպատակով: Այդ մասին ճեպազրույցի ժամանակ հայտարարել Է Չինաստանի ԱԳՆ պաշտոնական ներկայացուցիչ Մաո Նինը։
«Վերջին օրերին բացվել են երկխոսության դռները, և մենք հույս ունենք, որ բոլոր կողմերը կօգտվեն այդ հնարավորությունից ու կհասնեն համապարփակ, երկարաժամկետ և պարտադիր ուժ ունեցող խաղաղության համաձայնագրի», – ասել Է Մաոն:
Նա ընդգծել է, որ Չինաստանի դիրքորոշումը մնում է հետևողական և պարզ. Պեկինը քաղաքական կարգավորումը համարում է հակամարտության դադարեցման միակ իրական միջոցը:
Մաոն նաև նշել է, որ ՉԺՀ-ն հակամարտության կողմ չէ և հենց դրա սկզբից էլ որդեգրել է օբյեկտիվ և արդար դիրքորոշում: «Չինաստանը պատրաստ է համագործակցել միջազգային հանրության հետ, որպեսզի կառուցողական դեր խաղա ճգնաժամի քաղաքական կարգավորման առաջմղման գործում», – հայտարարել է խոսնակը:
