2019-ին մեկնարկած Կառավարության խելացի անասնաշենքերի ծրագիրը 2025-ին լուրջ փոփոխությունների է ենթարկվել: Կառավարության նոր պահանջով անասնագոմը կառուցելուց հետո ֆերմերը պարտավոր է այնտեղ պահել տոհմային բարձրարժեք կովեր: 20-ից 25 գլուխ կով պահելու համար կառուցված խելացի անասնաշենքի համար պետությունը ֆերմերին փոխհատուցում է 15 միլիոն դրամ, մինչև 100 կենդանու դեպքում՝ 57 միլիոն դրամ: Իսկ եթե տնտեսվարողը խելացի անասնաշենքը կառուցում է սահմանամերձ համայնքում, պետությունը փոխհատուցում է նրա կատարած ծախսերի 70 տոկոսը:
