Կենտրոնական բանկը տեղեկացնում է, որ հայտնաբերվել են անձինք և կազմակերպություններ, որոնք առանց համապատասխան լիցենզիայի առաջարկում են ֆինանսական ծառայություններ՝ ստեղծելով զեղծարարությունների և ֆինանսական կորուստների բարձր ռիսկեր քաղաքացիների համար։
«Մեր պաշտոնական կայքում հրապարակվել է Կենտրոնական բանկի կողմից հայտնաբերված անձանց ցանկ, որոնք առանց Կենտրոնական բանկի համապատասխան լիցենզիայի հանդես են գալիս տարբեր ֆինանսական ծառայություների մատուցման առաջարկով:
Հորդորում ենք բոլոր քաղաքացիներին նման կազմակերպությունների վերաբերյալ տեղեկատվության հայտնաբերման պարագայում փոխանցել Կենտրոնական բանկին պաշտոնական հաղորդակցման միջոցներով:
Միևնույն ժամանակ զեղծարարություններից և ֆինանսական կորուստներից խուսափելու նպատակով հորդորում ենք օգտվել բացառապես Կենտրոնական բանկի կողմից լիցենզավորված ֆինանսական կազմակերպություններից: Վերջիններիս մասին տեղեկատվությունը հասանելի է
https://www.cba.am/hy/licensed-banks/ հղմամբ»,- ասված է հաղորդագրությունում:
