Ռիադում տեղի է ունեցել ՀՀ էկոնոմիկայի նախարար Գևորգ Պապոյանի հանդիպումը Սաուդյան Արաբիայի Թագավորության շրջակա միջավայրի, ջրային ռեսուրսների և գյուղատնտեսության նախարար Աբդուռահման ալ Ֆադլիի հետ։ Այս մասին տեղեկացնում են ՀՀ էկոնոմիկայի նախարարությունից:
Հանդիպման ընթացքում կողմերը քննարկել են գյուղատնտեսության ոլորտում համագործակցության հաստատման և զարգացման հնարավոր ուղղությունները՝ ընդգծելով փորձի փոխանակման, տեխնոլոգիական նորարարությունների և ներդրումային ծրագրերի խթանման կարևորությունը։
