Հայաստանի բասկետբոլի Մ20 տարեկանների հավաքականը շարունակում է ելույթները Երևանում ընթացող Եվրոպայի առաջնության B դիվիզիոնի B ենթախմբում:
Ինչպես տեղեկացնում են ԿԳՄՍ նախարարությունից, կայացած երրորդ խաղում Հայաստանի հավաքականը 71:77 հաշվով պարտվել է Իռլանդիայի ընտրանուն:
Հանդիպման ամենաարդյունավետ խաղացողը Դանիել Կիրակոսյանն էր, որը վաստակել է 29 միավոր:
Նա նաև 6 անգամ տիրել է օղակից անդրադարձող գնդակին և կատարել 2 արդյունավետ փոխանցում:
Հայաստանի հավաքականը չորրորդ հանդիպումը կանցկացնի հուլիսի 15-ին, Կ․ Դեմիրճյանի անվան մարզահամերգային համալիրում՝ մրցելով Էստոնիայի հետ:
