www.esc.vote կայքում արդեն բաց է քվեարկությունն այն երկրների համար, որոնք «Եվրատեսիլին» չեն մասնակցում: Այս մասին հայտնում է Առաջին ալիքը:
«Այցելեք www.esc.vote կայք։
(Ձեր բանկային ու հեռախոսային քարտերը պետք է լինեն միջազգայնորեն ճանաչված)։
Քվեարկեք Հայաստանի օգտին՝ առավելագույնը 20 քվե (եթե ցանկանում եք 20 ձայն տալ Հայաստանի պատվիրակին, ապա դա պետք է միանգամից անել՝ հաստատելուց առաջ ավելացնելով քվեների քանակը մինչև 20)։
«Եվրատեսիլին» չմասնակցող երկրներից կարող եք քվեարկել մինչև եզրափակիչի մեկնարկը, ինչպես նաև մրցութային ելույթներից հետո՝ բուն քվեարկության ժամանակ»,- ասված է Առաջին ալիքի Ֆեյսբուքի գրառման մեջ:
Հիշեցնենք՝ այսօր տեղի կունենա «Եվրատեսիլ 2025»-ի եզրափակիչ փուլը․ մեր պատվիրակ Պարգը ելույթ կունենա 18 համարի ներքո:
