Ըստ ոստիկանության օպերատիվ հաղորդագրությունների ամփոփագրերի՝ հունվարի 21-22-ը ՆԳՆ ոստիկանության ստորաբաժանումները բացահայտել են հանցագործության 125 դեպք, որոնցից 3-ը՝ նախկինում կատարված:
Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 40, թմրանյութի հայտնաբերման՝ 16, խարդախության` 11, մարմնական վնասվածք պատճառելու՝ 8, ֆիզիկական ներգործության ու անձնական ունեցվածքի գողության՝ 6-ական, խուլիգանության, կեղծ փաստաթղթի և սառը զենքի հայտնաբերման՝ 3-ական, հոգեկան ներգործության, զենք-զինամթերքի առգրավման, թմրանյութի իրացման, ծառերը, թփերը ապօրինի հատելու, ինքնավնասման և անհետաձգելի միջամտության որոշումը չկատարելու՝ 2-ական, սպանության փորձի, ավազակության, պետական ունեցվածքի գողության, ավտոմեքենայի գողության, վստահված գույքի հափշտակման, համակարգչային հափշտակության, գույքը ոչնչացնելու կամ վնասելու, կաշառակերության, պաշտոնեական լիազորությունների չարաշահման, թմրամիջոցի մաքսանենգության, փաստաթուղթ հափշտակելու, բնակարանի անձեռնմխելիությունը խախտելու, աշխատանքի պաշտպանության կանոնները խախտելու, ապացույցներ, բացատրություններ կամ դատավարական փաստաթղթեր կեղծելու կամ կեղծ ապացույցներ ներկայացնելու և կանխամտածված սնանկության՝ 1-ական դեպք։
Նախկինում կատարված հանցագործություններից բացահայտվել է մարմնական վնասվածք պատճառելու, խարդախության և անձնական ունեցվածքի գողության՝ 1-ական դեպք։
Հայտնաբերվել է 10 հետախուզվող։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 13 պատահար. 2 մարդ զոհվել է, 17-ը` ստացել տարբեր աստիճանի մարմնական վնասվածքներ։
`
