Մայիսի 18-ին Հնդկաստանում ՀՀ դեսպան Վահագն Աֆյանը մասնակցել է Հնդկաստանի Պունե քաղաքում կայացած Համաշխարհային գործարարության հնդկական ֆորումի (GIBF) քննարկումներին:
![](/attachments/images/444487653_760686369569583_7261680144555806685_n.jpg)
Դեսպան Վ. Աֆյանը Հայաստանի Ներդրումների աջակցման կենտրոնի (Enterprise Armenia) հետ համագործակցությամբ կազմված սահիկաշարով ֆորումի մասնակիցներին տեղեկություններ է ներկայացրել Հայաստանի գործարար հնարավորությունների, մասնավորապես՝ վերջին շրջանում գրանցված տնտեսական նպաստավոր ցուցանիշների և ներդրումային միջավայրի առավելությունների մասին:
![](/attachments/images/444470724_760686362902917_1582854804080503408_n.jpg)
Հաջորդիվ կայացած հարց ու պատասխանի ընթացքում անդրադարձ է կատարվել հայ-հնդկական առևտրատնտեսական համագործակցության խորացման ոլորտային ուղղություններին, իսկ գործարարների հետ առանձին ձևաչափով հանդիպումներին տեղեկություններ են փոխանցվել Հայաստանում բիզնես գործունեություն ծավալելու հնարավորությունների վերաբերյալ: