ԱՄՆ Ատլանտայի ոստիկանական բաժնի պետ Էրիկա Շիլդսը հրաժարական է տվել: Պատճառը ոստիկանի կողմից աֆրոամերիկացի Ռեյշարդ Բրուքսի սպանությունն է, որը տեղի է ունեցել կողմերի միջև քաշքշուկի ժամանակ: Այս դեպքը բողոքի նոր ալիք է առաջացրել քաղաքում, անցկացվել են աֆրոամերիկացիների նկատմամբ ոստիկանության բռնությունների դեմ բողոքի նոր ակցիաներ, ցուցարարները փակել են քաղաքի միջով անցնող խոշոր մայրուղին՝ պահանջելով քննել միջադեպը:
Ավելի ուշ ցույցերը վերածվել են անկարգությունների: Բողոքի ակցիայի մասնակիցները հրկիզել են արագ սննդի օբյեկտը, որտեղ Բրուքսը գնդակահարվել է: Իր հերթին ոստիկանությունը արցունքաբեր գազ է կիրառել ցուցարարների նկատմամբ:
