Թբիլիսին չի վերանայի 2012 թվականի որոշումը, որով միակողմանի դադարեցրեց համագործակցությունը Մոսկվայի հետ Բաց երկնքի պայմանագրի շրջանակում, ասվում է Վրաստանի արտգործնախարարության հայտարարության մեջ:
Երեքշաբթի Ռուսաստանի արտաքին գործերի նախարարությունը հաղորդել է, որ պատրաստ են թույլ տալ պայմանագրով նախատեսված դիտորդական առաքելությունները Կովկասի սահմանների երկայնքով տասը կիլոմետրանոց գոտիներում, եթե Վրաստանն էլ թույլ տա Ռուսաստանին թռիչքներ իրականացնել իր տարածքով:
Ավելի վաղ Մոսկվան մերժել էր ԱՄՆ-ին նույն համաձայնագրի հարցով՝ Աբխազիայի և Հարավային Օսիայի հետ սահմանների երկայնքով թռիչքների արգելման հետ կապված: Ռուսաստանի արտգործնախարար Սերգեյ Լավրովը հայտարարել է, թե Մոսկվայի դիրքորոշումը այդ հարցում համահունչ է միջազգային օրենսդրությանը:
