Վարակվածների թիվը շուտով կհատի 4 միլիոնի սահմանը, իսկ Չինաստանում կա մեկ նոր դեպք. Worldometers

Ամբողջ աշխարհում Covid-19 կորոնավիրուսով վարակվածների թիվը մոտենում է 4 միլիոնին: Այն ներկա պահին 3,941,626 է՝ հայտնում է Worldometers կայքը: Վարակը տարածված է աշխարհի 212 երկրում։

Ըստ պարբերաբար թարմացվող տվյալների՝ կորոնավիրուսով պայմանավորված հիվանդությունից ամբողջ աշխարհում մահացել է 271,502 մարդ, ապաքինվել՝ 1,356,191-ը: Ակտիվ վարակակիր է 2,313,933-ը, որի 2 տոկոսը ծայրահեղ ծանր վիճակում են:

Մեծ թվով վարակակիր ունեցող երկրներն են Միացյալ Նահանգները (1,292,902), Իսպանիան (260,117), Իտալիան (215,858), Մեծ Բրիտանիան (206,715), Ռուսաստանը (187,859), Ֆրանսիան (174,791), Գերմանիան (169,430), Բրազիլիան (136,519), Թուրքիան (133,721):

Մահացության ցուցանիշով առաջատար երկրներից են դարձյալ ԱՄՆ-ն, Մեծ Բրիտանիան, Իտալիան, Իսպանիան, Ֆրանսիան: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին:

Այսօր ամենաշատ դեպքերը դեռևս արձանագրվել են Ռուսաստանում՝ 10,000-ից ավելի նոր դեպք։ Վարակի հայրենիք Չինաստանում գրանցվել է ընդամենը 1 նոր դեպք։ Չինաստանում վարակի ակտիվ դեպքերի թիվն ընդամենը 260 է։

Հեղինակ`Ռոզա Խաչատրյան

Դիտումների քանակ18