Բնապահպան ակտիվիստները հանրային պահանջի արշավով Մեծ Այրում գյուղում են, աջակցում են Դանիելյանների ընտանիքին: Դանիելյաններն Այրում են եկել 1988 թվականին: Պայմանագրային զինծառայող Հարությունը 2007-ին բնակարան է գնել Ախթալայի լեռնահարստացուցիչ կոմբինատի՝ Այրումի պոչամբարի հարևանությամբ: Հետագայում Ախթալայի կոմբինատը սկսել է վերաշահագործել հին պոչամբարը, որը լցվելով ֆաբրիկայի թունավոր պոչանքներով՝ մեծ դժվարություններ է ստեղծում Մեծ Այրումի բնակիչների համար:
