Եվրամիությունը պատրաստվում է ստեղծել դիմային ճանաչման տրանսատլանտյան հսկա բազա, որը կկապվի Միացյալ Նահանգների տվյալների հետ: Նման հսկա տվյալների բազային համակարգ ստեղծելու գործում մեծ դերակատարում ունեն Եվրամիության 10 երկրների ազգային իրավապահ մարմինների ներկայացուցիչները, որոնց հավաստմամբ` այն անհրաժեշտ է ստեղծել հնարավորինս շուտ: Նախագծի նախաձեռնողը Ավստրիան է: Դիմային ճանաչման հսկա համակարգը հնարավորություն կտա անմիջապես սկանավորել անհատի ԴՆԹ-ն, մատնահետքերը, տրանսպորտային փոխադրամիջոցի տվյալները: Տվյալների բազան այնուհետև հնարավորություն կտա կապվել Միացյալ Նահանգների համակարգի հետ: