Վրաստանի ԱԳՆ-ն Հարավային Օսիայի սահմանին արգելապատնեշներ կառուցելու աշխատանքների վերսկսումը համարում է նպատակային սադրանք: Բացի այդ, Վրաստանի արտաքին քաղաքական գերատեսչությունը տեղի ունեցածն անվանում է «արհեստական լարվածություն առաջացնելու փորձ», իսկ աշխատանքների նպատակը՝ «երկրում իրավիճակի ապակայունացում»: Վրաստանի ԱԳՆ-ն Ռուսաստանին հորդորել է «անհապաղ դադարեցնել ապակառուցողական գործողությունները, ապահովել տեղացիների ազատ տեղաշարժն ու կատարել ստանձնած միջազգային պարտավորությունները, ներառյալ՝ ԵՄ-ի միջնորդությամբ ստորագրված 2008 թվականի օգոստոսի 12-ի հրադադարի համաձայնագիրը»: